Aayi Hi Kyun

"Agar jaana hi tha tumhe ek din muje yun chod ke toh,

Meri zindagi me tum aayi hi kyun"

Zindagi me har ek pal bada kimati hota hai 

Or unn kimati palon me kuch kimati log hote hai

Jab muje bhi tune yun sabse alag rakh kar kimati banaya toh,

Fir baad meri nilami karavayi hi kyun

Agar jaana hi tha tumhe ek din muje yun chod ke toh,

Meri zindagi me tum aayi hi kyun

Kehte hai zindagi ek Safar hai 

Or hum uss Safar ke Banjaare

Jab uss Safar me Thodi der tak Sath chalakar

Muje inn viraan rahon me Akela chodana hi tha toh,

Meri humsafar banake tum aayi hi kyun

Agar jaana hi tha tumhe ek din muje yun chod ke toh,

Meri zindagi me tum aayi hi kyun

Kehte hai Murjaaye hue fulo ko

Jab Pyaar bhare hathon se chuu lo

Toh vo bhi khil uthate hai 

Mere dil  me bhi  tune yun  pyaar ke guldaste banaye the 

agar baad me usse bhi ek din yun murjaa jana tha 

toh aaj tak tune apne pyaar ka pani  unn pe dala hi kyun 

Agar jaana hi tha tumhe ek din muje yun chod ke toh

Meri zindagi me tum aayi hi kyun

Log Pyar me bade waadyein karte hai, 

kitani duayein karte hai Or kitani kasme khate hai 

Tum ne bhi muje kitane waadyein kiye the, kitani kasme khayi thi

Or mere liye kitani duayein ki thi

Agar jo unn wadon ka, unn kasmo ka, or unn duaon ka aage koi wajood hi nahi tha

toh ye wadyein, ye kasme, or ye duayein karne ka natak tumne kiya hi kyun

Agar jaana hi tha tumhe ek din muje yun chod ke toh

Meri zindagi me tum aayi hi kyun

Kehte hai ki zindagi ummidon par chalati hai

ek ummid hi hoti hai jiski wajah se aap ek bar har kar bhi fir se udh jate ho

Tumne bhi muje kayi ummidon ke dher me dala tha

Agar jo vo ummide  aage kabhi kamil hone wali hi nahi thi

Toh tumne muje yun ummidon ke dher me jakad kar rakha hi kyun  

Agar jaana hi tha tumhe ek din muje yun chod ke toh

Meri zindagi me tum aayi hi kyun

Kehte hai ki vo inshaan rahe na rahe Par ushke sath bitaya har ek pal

Ek lamha, ek yaad ban kar humesa humre pass rehta hai

Tumne bhi Muje Bada hasha ke, rula ke aishe kayi sare lamhe or,

Yaadyein banayi thi

Jo muje pehle khusi dete the, aaj vahi lamhe or yaadyein muje rula rahi hai

Agar jo Muje unn lamho ki wajah se baad me sirf dard milane wala tha

Toh aishi yaadyein, aishe lamhe tumne mere sath banaye hi kyun

Agar jaana hi tha tumhe ek din muje yun chod ke toh

Meri zindagi me tum aayi hi kyun

 

Kehte hai ki Pyaar jo hota hai

Vo chahe kitana bhi bura inshaan ho, uss inashan ko badal deta hai 

Tune bhi iss pyar me muje khud sa banakar  rakh diya tha

Meri aadton ko badal diya tha 

Agar jo vo Pyar sirf kuch dino, kuch ghanton Or shayad kuch lamho ka tha

Toh aisha Pyar tune mujse kiya hi kyun 

Agar jaana hi tha tumhe ek din muje yun chod ke toh

Meri zindagi me tum aayi hi kyun

- Ajay Rajput